ആശയവിനിമയ മാതൃകകള്‍ | Communication Models 4 - Osgood and Schramm’s Circular Model (1954)
മാത്തമാറ്റിക്കല്‍ മാതൃകയുടെ നേര്‍വിപരീതമാണ് ഈ മാതൃക എന്ന് പറയാം. കാരണം
വൃത്താകൃതിയില്‍ ആണ് ഇതിന്റെ ഘടന. ഇത് രണ്ടു ദിശയിലും വിനിമയം നടക്കുന്നതിനു
സഹായിക്കുന്നു. ഇവിടെ വിനിമയപ്രക്രിയയില്‍ ഏര്‍പ്പെട്ടിരിക്കുന്നവര്‍ ഒരേ സമയം
സന്ദേശം അയക്കുകയും സ്വീകരിക്കുകയും ചെയ്യുന്നു. ഒരു ടെലെഫോണ്‍ സന്ദേശത്തില്‍
എന്നപോലെ. ഇവിടെ ഇവര്‍ തുല്യരാണ്. സങ്കേതനവും വിസ്സങ്കേതനവും ഇരുകൂട്ടരും
ചെയ്യുന്നത് കൊണ്ട് പ്രവൃത്തിയിലും തുല്യത പാലിക്കുന്നു. ഈ മാതൃകയനുസരിച്ചു
പ്രതികരണം വിനിമയത്തില്‍ സാധ്യമാണ്.
രേഖീയമായ ലീനിയര്‍ മാതൃകകളില്‍ നിന്ന് വ്യത്യസ്ത്മാണിത്. മുഖാമുഖസംഭാഷണത്തിനു
ഉതകുന്നതാണ് ഈ മാതൃക. യഥാര്‍ത്ഥ
ജീവിതത്തില്‍ ഇത് പ്രായോഗികമല്ല എന്നൊരു വിമര്‍ശനവും ഈ മാതൃക നേരിടേണ്ടി
വന്നിട്ടുണ്ട്. വിനിമയപ്രക്രിയയുടെ കാര്യത്തില്‍ തുല്യത കൈവരിക്കുക എളുപ്പമല്ല
എന്നത് തന്നെ കാരണം.
0 comments:
Post a Comment